കലാശക്കൊട്ട് !!!!!
09-12-21
വ്യാഴം
ഇന്ന് വളരെയധികം സന്തോഷം തോന്നിയ ദിവസമായിരുന്നു. സഹജീവികളെ സ്നേഹിക്കുകയും പരിഗണിക്കുകയും ചെയ്യുന്ന ഒരു നല്ല സമൂഹത്തിൽ ജീവിക്കാൻ കഴിയുന്നത് തന്നെയൊരു മഹാഭാഗ്യമാണ്.MTTC Field Visit ന്റെ ഭാഗമായി ഇന്ന് വട്ടപ്പാറ ശാന്തി മന്ദിരം സന്ദർശിക്കാൻ സാധിച്ചു.യഥാർത്ഥത്തിൽ ജോജു ജോൺ എന്ന മനുഷ്യസ്നേഹിയായ അധ്യാപകൻ ഞങ്ങളുടെ പോസിറ്റീവ് എനർജിയുടെ ഖനിയാണ്.ശാന്തിമന്ദിരത്തിലേക്കും തിരിച്ചും ഉള്ള യാത്രയിൽ ഞങ്ങളോടൊപ്പം കൂടിയ അദ്ദേഹത്തോട് എത്ര നന്ദി പറഞ്ഞാലും മതിയാവില്ല. സന്തോഷ് എന്ന സാറാണ് ശാന്തിമന്ദിരത്തിന്റെ നടത്തിപ്പ്. ഏകദേശം 150 ഓളം ആളുകൾ അവിടെ താമസിക്കുന്നുണ്ട്. മാനസിക അസ്വാസ്ഥ്യമുള്ളവരും അസുഖം ഭേദമായിട്ടും സ്വന്തം വീടുകളിലേക്ക് മടങ്ങാൻ സാധിക്കാത്തവരുമായ അവർക്കു വേണ്ടി പ്രാർത്ഥിക്കാൻ കഴിഞ്ഞു. അവരുടെ ഒരു ദിവസത്തെ സജീവമാക്കാൻ ഞങ്ങൾക്ക് സാധിച്ചു. പാട്ടും ഡാൻസും അവരിൽ ചിലർക്കെങ്കിലും ആസ്വദിക്കാൻ സാധിച്ചു. ഏറെയാന്നും അല്ലെങ്കിലും ഞങ്ങളെക്കൊണ്ട് പറ്റുന്ന വിധത്തിൽ അവരെ സഹായിക്കാൻ അവസരം നൽകിയതിന് ദൈവത്തോട് നന്ദി പറയുന്നു. സ്നേഹവും പരിഗണനയും ആഗ്രഹിക്കുന്ന അവർക്ക് നേരെ ഒരു ചെറിയ പുഞ്ചിരിയെങ്കിലും സമ്മാനിക്കാൻ സാധിച്ചതിൽ ഞാൻ കൃതാർത്ഥയാണ്.
ക്ഷം
ഉച്ചക്കാണ് ഞങ്ങൾ മടങ്ങിയെത്തിയത്. ഭക്ഷണം കഴിച്ച് കഴിഞ്ഞ് ബി. നിലവറ വൃത്തിയാക്കുകയായിരുന്നു അടുത്ത പരിപാടി. അതിൽ നിന്നും അമൂല്യ നിധികളാണ് കണ്ടെത്തിയത്. അറിവാകുന്ന നിധി . ശേഷം കലാശക്കൊട്ട് ആരംഭിച്ചു. .Natural Science കാരും Physical Science കാരും ആയിരുന്നു ഇന്നത്തെ താരങ്ങൾ . കലാശക്കൊട്ടിന് സീനിയേർസും ഉണ്ടായിരുന്നു. അവരുടെ തമാശകളും കമന്റടികളും അരങ്ങു കൊഴുപ്പിച്ചു.
"ദൈവപുത്രൻ മനുഷ്യനായ് പിറന്നാൽ ജീവിതം അറിഞ്ഞാൽ അവൻ പറയുമ ത്രേ അവന്റെ ദൈവം മനുഷ്യനാണെന്ന്" അവിടുത്തെ അന്തേവാസിയായ ഒരു മനുഷ്യൻ പാടിയ പാട്ടിലെ വരികളാണ്. എത്ര അർത്ഥവത്തായ വരികളാണിത്. ജീവിതത്തിലെ കഷ്ടത നിറഞ്ഞ ഭാഗങ്ങളെപ്പറ്റി മനസിലാക്കുകയും സഹജീവികളോട് ഹൃദയത്തിൽ അലിവുള്ളവനായിരിക്കുകയും ചെയ്യുന്ന ഒരാൾക്ക് മാത്രമേ നല്ല അധ്യാപകനോ അധ്യാപികയോ ആവാൻ സാധിക്കുകയുള്ളൂ. ആർദ്രത മായ ഒരു മനസ്സാണ് ടീച്ചറിനുണ്ടാവേണ്ട അടിസ്ഥാന ഗുണം .
