Skip to main content

സ്വന്തമായൊന്ന്....

മറ്റൊന്നും വേണ്ട
എനിക്ക് ഒരു അലമാരി
സ്വന്തമാക്കണം.
നിറയെ പുസ്തകങ്ങൾ 
അടുക്കി വെക്കാൻ..

കാശില്ലാതിരുന്നിട്ടും
അത്യാവശ്യം കൊണ്ട് മാത്രം
വാങ്ങി വെച്ചവയും
ആരുടെയൊക്കെയോ ദാനമായി
എന്നിലേക്ക് വന്നു ചേർന്നവയും
പിന്നീട് ആരൊക്കെയോ 
സമ്മാനിച്ചവയും
അതിൽ അടുക്കി വെക്കണം

ഒപ്പം...
പ്രിയമുള്ള സ്വപ്നങ്ങൾ
എഴുതിച്ചേർത്ത
പച്ച പുറം ചട്ടയുള്ള
വായനശാലക്ക് തിരികെ കൊടുക്കാതെ
പൂഴ്ത്തിവെച്ച
ആ പുസ്തകവും. 

എനിക്കൊരു അലമാരി 
സ്വന്തമാക്കണം.
നിറയെ പുസ്തകങ്ങളടുക്കിയത്
ഭ്രാന്ത് പൂത്ത് ചുവക്കുന്ന 
നാളുകളിൽ
നിലാവ് പെയ്യുന്ന
ഏകാന്തരാത്രികളിൽ
ഇടിമിന്നൽ വീശി
ഭയപ്പെടുത്തുന്ന രാത്രികളിൽ
എനിക്ക് കൂട്ടായിരിക്കാൻ.

മറ്റൊന്നും വേണ്ട
സ്വന്തമായി ഒരു അലമാരി
നിറയെ പുസ്തകങ്ങൾ അടുക്കിയത്. 

                 ആശ എ.എസ്

Popular posts from this blog

എൻ്റെ തണലിടങ്ങൾ

  ഞങ്ങൾ ഇപ്പോൾ താമസിക്കുന്ന ഈ വീട് എനിക്കേറെ പ്രിയപ്പെട്ടതാണ്. കാരണം ഇതെന്നെ എന്നിലേക്ക് തന്നെ നടത്തിക്കുന്നു. ഞാനെന്റെ എല്ലാ തിരക്കുകളിൽ നിന്നും എല്ലാ മനുഷ്യരിൽ നിന്നും ഒഴിഞ്ഞ് ശാന്തമായ ഇവിടം ആസ്വദിക്കുകയാണ് . "വേനൽ കൊടും വെയിലാളി തിളക്കുന്നു മീനം കിടാങ്ങൾക്കൊഴിവു കാലം" ഏത് കവിതയിലെ വരികളാണെന്നോ എത്രാം ക്ലാസിൽ പഠിച്ചതാണെന്നോ ഓർമ്മയില്ല. പക്ഷേ ഈ വരികൾ മാത്രം ഇന്നും മനസ്സിൽ മായാതെ നിൽക്കുന്നു. ഇവിടെ വടക്കുവശത്തിരുന്നാൽ നല്ല തണലും കാറ്റുമാണ്. ഈ ഭാഗത്ത് ധാരാളം മരങ്ങളുണ്ട്. ആഞ്ഞിലിയും പ്ലാവുമാണേറെ. ഭയങ്കര പൊക്കത്തിൽ വളർന്നു നിൽക്കുന്ന അവയുടെ മുകളിലേക്ക് നോക്കുമ്പോൾ കാണുന്ന പച്ചപ്പിനിടയിലൂടെയാണ് ഞാൻ എൻ്റെ മരങ്ങളെ ഓർമിക്കുന്നത്. അപ്പുറത്തെ റബർ മരങ്ങളുടെ പച്ചിലച്ചാർത്തിനിടയിലൂടെ കാണുന്ന തെളിഞ്ഞ നീലാകാശമാണ് കുട്ടിക്കാലത്തിലേക്കെന്നെ കൊണ്ടുപോയത്. വെയിലും തണലും തീർക്കുന്ന നേർത്ത ഇരുട്ടു പോലെയാണെനിക്ക്  ആ ഓർമ്മകൾ. മരങ്ങളുടെ നിഴലുകളാടുന്ന പോലെ പല മനുഷ്യരും മുഖമില്ലാത്തവരായി മനസ്സിലൂടെ കടന്നുപോകുമ്പോഴും എന്നിലെ മരങ്ങൾ അവയുടെ ശക്തമായ വേരുകളാഴ്ത്തി പടർന്നു പന്തലിച്ചു നിൽക്കുന്നു. ഒരിക്കലും ...
Read more

തോന്നലുകൾ (June 15)

അസുഖങ്ങളില്ലായ്മയാണ് ഏറ്റവും സുഖം എന്ന് തിരിച്ചറിഞ്ഞ നാളുകളാണ് കഴിഞ്ഞു പോയത്.പലതരം ഒറ്റപ്പെടലും അനുഭവിച്ചിട്ടുണ്ട്. ആരുമില്ലെന്ന തോന്നൽ കൊണ്ടുണ്ടായത്.. പ്രണയങ്ങൾ തന്നു പോയത്.. ഇപ്പൊ രോഗത്തിന്റെ വേദന സമ്മാനിച്ചത്.എല്ലാം അനുഭവിക്കുമ്പോൾ എത്ര നോവുമെന്നോ.. ഉയിര് പറിഞ്ഞു പോകും പോലെ തോന്നും. മറ്റുള്ളവയിൽ നിന്ന് അസുഖത്താലുള്ള ഒറ്റപ്പെടലിന്റെ വ്യത്യാസമെന്താണെന്നോ..? അത് രണ്ടു തരത്തിലും നോവിക്കും. ശരീരത്തിൻ്റെ വേദന കടിച്ചമർത്തിയാലും മനസ് വേദനിച്ചു കൊണ്ടേയിരിക്കും..തിരിച്ചും.! എല്ലാവരേയും സർവ്വേശ്വരൻ കാക്കട്ടെ..!
Read more

FEBRUARY 25

ഗുരു ഗോപിനാഥ് നടനഗ്രാമത്തിലേക്ക് ഇന്നൊരു യാത്ര പോയി.MTTC B.Ed ഒന്നാംവർഷക്കാർ മുഴുവനും ഉണ്ടായിരുന്നു.മായടീച്ചറും ആൻസി ടീച്ചറും ജോജു സാറും ആയിരുന്നുഅധ്യാപക പ്രതിനിധികൾ. സാംസ്കാരിക വകുപ്പിന്റെ ഒരു കലാമ്യൂസിയമാണ് ഗുരു ഗോപിനാഥ് നടനഗ്രാമം.ഗുരു ഗോപിനാഥിന്റെ ശിഷ്യനായ സജീവ് നായർ മോഹിനിയാട്ടത്തിന്റെ മോഹനാംശങ്ങളെപ്പറ്റി ക്ലാസ്സെടുത്തു.
Read more