Skip to main content

ഒന്നാം ദിവസം

Camp Day 1
12/12/2022




ക്യാമ്പിന്റെ ആദ്യ ദിനമായ ഇന്ന് (12-12-22) 10 മണിക്ക്  തന്നെ ക്യാമ്പിന്റെ ഉദ്ഘാടന പരിപാടികൾ ആരംഭിച്ചു.ഇന്നത്തെ ദിവസത്തിന് നേതൃത്വം കൊടുത്തത് ഗ്രൂപ്പ്‌ 1- IKSHANA ആയിരുന്നു. പ്രിൻസിപ്പൽ ഡോ.കെ.വൈ. ബെനഡിക്ട് സർ, യൂണിയൻ അഡ്വൈസർ ഡോ. ജോജു ജോൺ, ക്യാമ്പ് കോഡിനേറ്റർ ഡോ. ദീപ്തി എലിസബത്ത് , നഥാനൈൻ എന്നിവരുടെ സാന്നിധ്യത്തിൽ,
അസിസ്റ്റന്റ് കമ്മീഷണർ ഓഫ് എക്സൈസ്, ആയ വൈ. ഷിബു സർ  ആണ് ക്യാമ്പ് ഉദ്ഘാടനം ചെയ്തത്. ( എക്സൈസ് ഇന്റലിജൻസ് ആൻഡ് ഇൻവെസ്റ്റിഗേഷൻ ബ്യൂറോ നോർത്ത് സോൺ കോഴിക്കോട്). 

രഘു സർ (എം.എഡ്), 66 ആം കോളേജ് യൂണിയൻ ചെയർപേഴ്സൺ അനീഷ,വൈസ്.ചെയർ.അരവിന്ദ്,ജന.സെക്ര.ഗായത്രി എന്നിവരും വേദിയിൽ സന്നിഹിതരായിരുന്നു.

ഉത്ഘാടന ശേഷം ആദ്യ സെക്ഷൻ കൈകാര്യം ചെയ്തത് ഷിബു സർ ആയിരുന്നു.മയക്കുമരുന്ന് തുടങ്ങിയ ലഹരി വസ്തുക്കളുടെ ഉപയോഗം സ്കൂൾ കുട്ടികളെ എങ്ങനെയെല്ലാം ബാധിക്കുന്നു എന്ന് നിരവധി വാർത്തകളിലൂടെ അദ്ദേഹം വ്യക്തമാക്കി.

ഉച്ചക്ക് ശേഷമുള്ള സെക്ഷൻ കൈകാര്യം ചെയ്തത് കേരള ഫയർ ആൻഡ് സേഫ്റ്റി ഡിപ്പാർട്ട്മെന്റിലെ ജിത്ത് സാർ ആയിരുന്നു. വളരെ പ്രയോജനപ്രദമായ ഒരു സെക്ഷൻ ആയിരുന്നു ഇത്. ഫസ്റ്റ് എയ്ഡിനെ കുറിച്ചും, പാമ്പുകടിയേറ്റാൽ എന്തൊക്കെ ചെയ്യണം, എന്തൊക്കെ ചെയ്യാൻ പാടില്ല എന്നതിനെക്കുറിച്ചൊക്കെ കൃത്യമായ
അവബോധം നൽകി. അതുപോലെ തന്നെ അടിയന്തര സാഹചര്യത്തിൽ എങ്ങനെ ആംബുലൻസ് വിളിക്കണം,തീ പടർന്നാൽ  Fire extinguisher  ഉപയോഗിച്ച് എങ്ങനെ തീ കെടുത്താം എന്നിങ്ങനെയെല്ലാമുള്ള അറിവുകളും അദ്ദേഹം പകർന്നു തന്നു.


വൈകുന്നേരം ബോംബ് ഇൻ സിറ്റി എന്ന ഗെയിം കളിച്ചു.എന്ന ടീം മെമ്പർ ആയ കുട്ടിയാണ് ജയിച്ചത്.തുടർന്ന് ലക്കി ക്യാമ്പറെ തിരഞ്ഞെടുത്തു. 
ശേഷം കോളേജ് മ്യൂസിക് ബാൻഡിൻ്റെ ഗാനമേളയും ഉണ്ടായിരുന്നു.അങ്ങനെ ഒന്നാം ദിവസം വളരെ നന്നായി അവസാനിച്ചു.

Popular posts from this blog

10/02/2022

ഇത് ഒരു പുതിയ തുടക്കമാണ്. എല്ലാം മടുത്ത് ഉപേക്ഷിച്ച്   പോകാൻ ഊർജ്ജം ഉൾക്കൊണ്ട പുതിയ പ്രയാണം. മടുപ്പേറിയ കുറെ ദിവസങ്ങൾക്കു ശേഷം ഇന്ന് ക്ലാസിന് പോയി. സെമിനാറുകൾ ആയിരുന്നു. ജോജു സാർ , മായ ടീച്ചർ 1 ബനഡിക്ട് സർ ക്ലാസ്സുകൾ കൈകാര്യം ചെയ്തു . ക്ലബ്ബുകളുടെ രൂപീകരണയോഗം ഉച്ച കഴിഞ്ഞ് നടത്തി.
Read more

നാലാം വാരം

 ബിഎഡിന്റെ തിരക്കുപിടിച്ച ഓട്ടത്തിനിടയിൽ ഒന്ന് പ്രാർത്ഥിക്കാൻ പോലും മറന്നു പോകുന്ന ദിവസങ്ങൾ ഉണ്ടായിരുന്നു.എന്നാൽ അത് ഈ സ്കൂളിൽ വന്നതിനുശേഷം മാറിക്കിട്ടി. ദിവസവും രാവിലെയുള്ള പ്രാർത്ഥന എനിക്ക് വളരെയേറെ ആശ്വാസം പകരുന്നതായിരുന്നു. 24/01/23 ചൊവ്വാഴ്ച ദിവസം ഓപ്ഷനലിന്റെ രണ്ടാമത്തെ അബ്സർവേഷൻ വന്നു കുട്ടികളുടെ നോട്ട്ബുക്ക് പരിശോധിച്ചു. സബ്സ്റ്റ്യൂഷൻ ഡ്യൂട്ടികൾ ചെയ്തു. വ്യാഴാഴ്ച റിപ്പബ്ലിക് ഡേ ആയിരുന്നതുകൊണ്ട് ക്ലാസ് ഉണ്ടായിരുന്നില്ല. കുട്ടികളെ സ്കൂളിൽ നിന്നും ചന്ദ്രശേഖരൻ നായർ സ്റ്റേഡിയത്തിൽ പരേഡിന് കൊണ്ടുപോയിട്ടുണ്ടായിരുന്നു. അവിടെ ദേശഭക്തിഗാനം മത്സരത്തിനും സ്കൂളിലെ കുട്ടികളെ തയ്യാറാക്കിയിരുന്നു. 27/01/23 വെള്ളിയാഴ്ച എനിക്ക് രണ്ടു പിരീഡ് ഉള്ള ദിവസമാണ് നാരായൻ്റെ തേൻവരിക്ക എന്ന പാഠഭാഗം തുടങ്ങിവച്ചു.സബ്സ്റ്റ്യൂഷൻ ക്ലാസുകളിൽ കയറുന്നത് സന്തോഷകരമായി തോന്നിത്തുടങ്ങി. 7E യാണ് എൻ്റെ ഫേവറേറ്റ് ക്ലാസ് . വളരെ നല്ല കുട്ടികളായിരുന്നു അവർ. വൈകുന്നേരം ഈവനിംഗ് ഡ്യൂട്ടി ഉണ്ടായിരുന്നു. അവിടെയും കുറച്ചുനേരം കുട്ടികളുമായി ഗെയിം ഒക്കെ കളിച്ചു അവരെ വിളിച്ചിരുത്തുകയാണ് ചെയ്തത് . സ്കൂളിൽ എത്തിയിട്ട് നാല് ആഴ്ചകളോളം...
Read more

ഗീതോപദേശം

കുറച്ചുദിവസം കൂടി ഇന്ന് പ്രെയറിനു കയറി. പ്രാർത്ഥിച്ച് കഴിഞ്ഞപ്പോൾ തന്നെ മനസ്സിന് ഒരാശ്വാസം തോന്നി.ഡോ.ജി.വി ഹരി സർ ആയിരുന്നു ഇന്നത്തെ വിശിഷ്ടാതിഥി. സാറിന്റെ വാക്കുകൾ കടമെടുത്തു പറയുകയാണെങ്കിൽ Energizing ക്ലാസ് ആയിരുന്നു. കൊട്ടും പാട്ടും ബഹളവുമായി മണിക്കൂറുകൾ പോയതറിഞ്ഞില്ല. അതിനിടയിൽ അദ്ദേഹം പതിനൊന്നോളം വാക്കുകൾ പരിചയപ്പെടുത്തുകയുണ്ടായി. അവയിൽ തന്നെയുണ്ട് നമ്മുടെ വ്യക്തിത്വവികാസത്തിനുള്ള വിത്തുകൾ. ഈ വിത്തുകൾ വിതയ്ക്കാനുള്ള നിലം ഒരുക്കുകയായിരുന്നു കഴിഞ്ഞ ഒരാഴ്ചയായി ഓരോ അധ്യാപകരും ചെയ്തത്. അത് ഫലപ്രദമായി തീർന്നു എന്ന് തന്നെ പറയാം.   അതുപോലെതന്നെ അദ്ദേഹം പരിചയപ്പെടുത്തിയ പുസ്തകമാണ് ഇനി ഞാൻ തള്ളട്ടെ !  ഈ പുസ്തകത്തെ പറ്റി കൂടുതൽ അറിയാൻ  ഞാൻ ഗൂഗിളിനോട് അന്വേഷിച്ചു. അപ്പോ ഗൂഗിൾ പറഞ്ഞു തന്നു കോഴിക്കോട് ജില്ലയുടെ മുൻ കളക്ടർ ആയിരുന്ന പ്രശാന്ത് നായർ എന്ന കളക്ടർ ബ്രോ തന്റെ ഓർമ്മക്കുറിപ്പുകൾ രേഖപ്പെടുത്തിയ പുസ്തകമാണ് ഇതെന്ന്. പുസ്തകത്തിന്റെ മുഴുവൻ പേര്  "കളക്ടർ ബ്രോ- ഇനി ഞാൻ തള്ളട്ടെ"എന്നാണെന്നും വ്യക്തമാക്കി. പുസ്തകത്തിന്റെ പേര് തന്നെ വളരെ ആകർഷകമായി തോന്നി. അതുകൊണ്ട് കളക്ടർ ബ...
Read more